Pàn Kouran ak Kalite Lè Anndan (IAQ)

(Enfòmasyon ki lye an Anglè)

Rezidans ak lòt batiman yo Ozetazini jeneralman fèt epi konstwi pou mentni anviwònman anndan yo konfòtab epi san danje, san konsidere kondisyon tan aleksteryè. Nan pifò ka, kouran elektrik la itilize pou ede kenbe kondisyon anndan yo konfòtab. Pàn kouran ki dire plis pase kèk èdtan, souvan akoz gwo evènman tan, tankou tanpèt oswa inondasyon, ka genyen enpak negatif sou anviwònman anndan yo. Pa egzanp, san elektrisite, kontwòl tanperati anndan yo kapab difisil oswa enposib, epi si sistèm vantilasyon nan kay la oswa nan batiman an pa fonksyone san kouran, nivo polyan nan lè anndan an kapab ogmante. Sepandan, nan anpil ka, yo ka pran kèk etap pou ede modere tanperati yo epi mentni kalite lè anndan an san itilize elektrisite.

(Tanpri sonje: anpil nan lyen yo nan paj sa a genyen ladan kontni Anglè)

Nan paj sa a:

• Enstale Alam Monoksid Kabòn (CO) pou Evite Anpwazònman CO
• Bay Kouran pou Limyè, pou Fè Manje ak pou Chofaj yon Fason ki San Danje
• Vantilasyon ak Onbraj Ka Ede Kontwole Tanperati Anndan Yo
• Lòt Resous Anplis

Nan lòt paj yo:

• Ijans ak IAQ
• Resous pou Netwayaj Inondasyon ak Kalite Lè Anndan
• Dife nan Forè ak Kalite Lè Anndan (IAQ)
• Kreye yon Sal ki Pwòp pou Pwoteje Kalite Lè Anndan an Pandan yon Dife nan Forè
• Sekirite Enteryè ak Anviwònman Anndan
• Katastwòf Natirèl

Enstale Alam Monoksid Kabòn (CO) pou Evite Anpwazònman CO

Monoksid kabòn (CO), ki se yon gaz ki envizib epi ki san odè, ka soti nan divès aparèy konbistib, tankou recho gaz, fou oswa griy pou fè babekyou. CO ka akimile byen vit anndan an epi li ka rete la pandan plizyè èdtan. Nan nivo ki elve yo, CO ka byen vit lakoz gwo danje epi menm lanmò. Asire w ke lakay ou ekipe avèk alam CO, epi alam nan (yo) ap byen fonksyone lè li enstale epi li genyen yon afichaj nimerik ak fonksyon batri sekou. Verifye oswa ranplase batri a lè ou chanje lè ki sou revèy ou an chak prentan ak chak otòn. U.S. Consumer Product Safety Commission (Komisyon Sekirite Pwodwi Konsomasyon, CPSC) an rekòmande pou chak kay genyen alam CO nan chak nivo andeyò chak espas pou dòmi. Alam CO yo disponib nan pifò kenkayri yo.

Aprann konsènan Enpak Monoksid Kabòn sou Kalite Lè Anndan an

Bay Kouran pou Limyè, pou Fè Manje ak pou Chofaj yon Fason ki San Danje

Dèlko Pòtab (Ki Mache ak gaz):  Pandan pàn kouran yo, ou ka itilize dèlko pòtab pou ede retabli kouran an pandan yon ti tan nan kèk aparèy ki esansyèl tankou frijidè, limyè ak vantilatè. Pifò dèlko pòtab fonksyone avèk gaz tankou gazolin, gaz natirèl oswa kewozèn. Si yo pa itilize yon fason ki kòrèk, dèlko sa yo ka vin danjre paske yo degaje lafimen ki toksik. (Dèlko pòtab ki fonksyone avèk batri oswa estasyon pano solè yo disponib kounyeya epi sa yo p ap degaje lafimen.)

• Itilize dèlko pòtab yo deyò epi lwen batiman yo.
• Pa itilize dèlko pòtab nan nenpòt kondisyon sa yo:
  • anndan kay ou oswa anndan pakin ou
  • sou balkon oswa toupre pòt, espas vantilasyon oswa fenèt, epi
  • toupre kote oumenm oswa timoun ou yo ap dòmi.

Klike sou imaj la pou gade yon vèsyon enfografi a nan dimansyon reyèl li, yon vèsyon ki ka enprime

• Gade yon vèsyon enfografi a nan dimansyon reyèl li, yon vèsyon ki ka enprime
• Li Plis sou Dèlko Pòtab yo

Dèlko Pòtab ki Fonksyone avèk batri oswa Estasyon Pano Solè: Dèlko ki fonksyone avèk batri oswa estasyon kouran yo vin plis disponib. Kèk nan yo ka konekte nan pano solè pou rechaje. Yo ka yon chwa pratik pou alimante ti aparèy, limyè ak vantilatè pandan yon pàn kouran. Yo souvan mwens pwisan pase dèlko tradisyonèl ki fonksyone avèk gaz yo; sepandan, yo pa pwodwi lafimen toksik, epi yo ka itilize nan espas anndan yo, sou balkon, oswa toupre pòt, espas vantilasyon, ak fenèt.

Chofaj:

Aparèy Konbisyon: Pandan yon pàn kouran, pa eseye chofe kay ou avèk aparèy konbisyon ki genyen ladan recho gaz oswa fou, griy babèkyou oswa sechwa. Pa janm itilize okenn aparèy chofaj oswa lòt aparèy ki boule gaz nan yon chanm ki pa genyen ase vantilasyon oswa yon chanm ki fèmen, oswa kote w ap dòmi.

Chemine: Swiv prekosyon sekirite sa yo si w ap itilize yon chemine avèk vantilasyon pou chofaj

• Fè yo enspekte kondwi lafimen ak chemine yo anvan chak sezon chofaj pou chèche fwit ak blokaj ki lakoz pa kreyozot oswa debri.
• Louvri kondwi lafimen chemine an anvan ou limen dife a epi kite l louvri jiskaske sann yo refwadi. Pa janm fèmen kondwi a oswa al kouche si sann yo cho toujou. Yon kondwi ki louvri kapab ede redwi akimilasyon gaz ki anpwazone anndan kay la.
• Pa janm itilize gazolin, likid ki nan brikè oswa lòt gaz pou limen oswa pou relimen yon dife paske vapè yo ka eksploze. Pa janm kite gaz oswa materyèl ki ka pran dife yo toupre yon dife. Pa janm konsève nan kay ou likid ki ka pran dife.
• Pa janm itilize chabon nan yon chemine paske genyen yon risk pou anpwazònman ak monoksid kabòn.
• Kite yon tuil oswa yon kloti an vè toutotou yon chemine pou anpeche etensèl oswa bwa dife limen materyèl ki ka pran dife yo.
• Sèlman brile bwa ki sèch, epi mentni yon dife ki cho.
• Aprann plis konsènan Burn Wise pou dife ki pi pwòp epi sa ou ka fè pou kite oumenm ak fanmi ou san danje.

Veyikil: Pa itilize yon machin oswa yon kamyon anndan yon pakin ki kole ak lakay ou, menm si ou kite pòt la louvri.

Fè Manje: Pa itilize andedan aparèy konbisyon ki pa genyen vantilasyon, tankou babèkyou, hibachis, oswa recho pou kan. Aparèy konbisyon ki pa genyen vantilasyon yo pa dwe itilize pou fè manje anndan, oswa pou tout lòt itilizasyon anndan. Aparèy konbisyon yo pwodwi lafimen toksik, ki genyen ladan monoksid kabòn (CO). Ou ka itilize aparèy ki vantile pou fè manje san danje anndan pandan yon pàn kouran si espas vantilasyon an pa mande kouran pou li fonksyone. Ou ka itilize yon chemine oswa yon recho bwa ki vantile oswa yon lòt recho ki brile gaz ki genyen vantilasyon, si li konfigire pou fè manje. Lè w ap itilize aparèy pou fè manje yo deyò, tankou recho pou kan ak babèkyou, fè sa nan yon distans sekirize ki lwen pòt lakay ou, fenèt ak tout rantre lè pou sistèm HVAC lakay ou an.

Limyè: Itilize flach oswa lantèn ki fonksyone avèk batri si yo disponib. Si ou itilize bouji, asire w ke espas la genyen vantilasyon paske bouji yo ka emèt pwodwi konbisyon epi, si ou kite yo san kontwòl, yo ka lakoz risk pou dife. Si yo disponib, itilize flach oswa lantèn ki fonksyone avèk batri olye de bouji.

Vantilasyon ak Onbraj Ka Ede Kontwole Tanperati Anndan Yo

Gade yon gran imaj ki montre itilizasyon kouvèti fenèt.

Louvri epi fèmen fenèt yo epi itilize kouvèti pou fenèt tankou rido, rido pou onbraj ak ovan pou ede modere tanperati lè anndan an. Lè fenèt yo louvri, ou kapab tuil itilize pou anpeche parazit antre nan kay la. Epitou sonje ke sekirite lakay ou kapab yon konsiderasyon lè fenèt yo louvri.

Nan Kondisyon ki Tyèd oswa ki Cho:  

Pandan jounen an nan kondisyon ki tyèd oswa ki cho, kouvri fenèt ki resevwa limyè solèy nan maten ak aprèmidi a avèk rido pou lonbraj ki ede limite yon ogmantasyon nan tanperati anndan an. Ou ka itilize rido, rido pou lonbraj, ovan, oswa pèsyen pou kouvri fenèt ou yo. Ovan eksteryè ak pèsyen yo ka redwi chalè ki antre nan yon kay plis pase yon rido pou lonbraj alenteryè. An jeneral, si lè ki deyò a pi cho pase lè ki anndan an, fèmen fenèt yo. Si lè ki deyò a pi fre, louvri rido pou lonbraj oswa rido yo, ak fenèt yo.     

Pandan jounen an, kouvri fenèt yo avèk rido pou lonbraj pou redwi yon ogmantasyon nan tanperati.

Nan Kondisyon ki Frè oswa Ki Frèt:
Louvri rido ak rido lonbraj pou fenèt yo pandan jounen an pou ede chofe lè ki anndan an epi fèmen yo lannwit pou ede kenbe chalè a. An jeneral, kite fenèt yo fèmen si lè ki deyò a pi fre pase lè ki anndan an.

Gade yon pi gran imaj ki montre rido pou lonbraj yo ak fenèt yo ki louvri.

Lè Anndan ak Vantilasyon nan Gwo Sitiyasyon Tanperati:
Byenke lè ou kite fenèt ak pòt yo fèmen sa kapab ede mentni tanperati yo, nan kèk ka li kapab nesesè pou louvri fenèt yo lejèman pou mentni vantilasyon ki apwopriye. Lè ou bay vantilasyon ki apwopriye sa ka espesyalman enpòtan lè w ap fè manje ak pandan lòt aktivite ki kapab redwi kalite lè anndan an. Sonje ke toujou genyen yon ti kantite vantilasyon anndan an. Yon ti kantite mouvman oswa filtrasyon lè (vantilasyon pasif) pwodwi yon fason natirèl, paske lè a pase nan ti ouvèti oswa fisi, tankou sila yo ki toutotou fenèt ak pòt yo. Sepandan, li kapab pa ase pou mentni vantilasyon ki apwopriye nan sitiyasyon tanperati ekstrèm yo. Lè sitiyasyon tanperati ekstrèm yo akonpanye avèk gwo polisyon lè aleksteryè yo, ki genyen ladan apati  Dife nan Forè, Eripsyon Vòlanik, ak Tanpèt Pousyèli kapab enpòtan tou pou redwi vantilasyon natirèl pou anpeche polyan yo antre. Aprann plis konsènan fason pou mentni kalite lè anndan an pandan evènman Chalè Ekstrèmyo.

Lòt Resous Anplis

• Enpak Monoksid Kabòn sou Kalite Lè Anndan an
• Tiliv sou Netwayaj Inondasyon ak Lè Lakay Ou (ki genyen ilistrasyon sou fason ak kikote pou itilize dèlko pòtab yo)
• Ready.gov - Pàn Kouran 
• CDC - Kesyon yo Poze Souvan sou Anpwazònman avèk Monoksid Kabòn